O 8M supuxo ter que abordar unha cuestión que a día de hoxe segue sen pecharse dentro do feminismo. Houbo quen preferiu obviar o tema para non xerar fractura, e outra xente falou en nome de todo o feminismo autodenominado abolicionista. Quizás ningunha das dúas opcións sirvan para construír desde o consenso cara o futuro . Debates como este deberían darse durante todo o ano e contando con diferentes opinións. A prostitución non se reduce a dous posicionamentos senón a un gran abano de opinións e propostas.
Debater e construír, a isto chama esta cita do luns 1 de abril ás 19:30: A prostitución a debate.
Participarán:
- Eva García Amador, activista feminista
- Marta Casal, socióloga e activista feminista
- María Cano, activista polos dereitos das e dos traballadores do sexo
- Mariña Loureiro, activista feminista
- Saisei-chan, traballadora sexual.
Modera:
- Cristina Bajo, activista feminista MMM