O xoves 9 de xullo ás 20 h teremos unha palestra a cargo de Victorino Pérez Prieto co título A revista “Nós” e os seus suplementos. Outras revistas galegas contemporáneas.
No Centenario de Nós (1920-2020) Pérez Prieto falaranos da relevancia de Nós, dirección e responsables, colaboradores con máis publicacións na revista, imprentas e lugares nos que se editou, as portadas (como evoluiron, a orixe da tipografia que escolleu Castelao…), os suplementos (pouco coñecidos, pero moi valiosos)…
E tamén falará doutras revistas galegas contemporáneas (O Gaiteiro de Lugo, A Nosa Terra, La centuria, Vida Gallega, Céltiga, Alborada, Ronsel, Alfar, Logos…), moitas delas cos mesmos colaboradores.