20

Xul

Alba de Gloria no cumio do Pico Sacro 2019

Alba de Gloria 2019Este 20 de xullo de 2019 celebrarase unha nova subida ao cumio do Pico Sacro 2019 para a lectura anual do Alba de Gloria organizado pola Asociación O Galo e a Asociación veciñal do Agra do Orzán sendo convidada na organización a nosa Agrupación Cultural Alexandre Bóveda.

Procurarase fretar un bus dende A Coruña se alcanzamos un grupo mínimo de 30 persoas para o cal deberiamos apontarnos antes do 3 de xullo, a través do formulario ao pé.

O programa de actividades:

  • 12 h do mediodía, lectura de poemas polo noso colectivo “Gosto de vivir a poesía”, a intervención dunha escritora e o ascenso ata o cumio para leren Alba de Gloria cos representantes das dúas agrupacións organizadoras e da Agrupación Cultural Alexandre Bóveda.
  • Logo, xantar nun restaurante (por determinar, en terras do Ulla), actuando o grupo musical Maraxe
  • Habera dúas visitas guiadas: ao mosterio de Camanzo e ao poboado mineiro de Fontao (minaría de Wolframio);

A asistencia ás actividades no Pico Sacro é libre, mais se che interesar asistir no bus, ao xantar e ás visitas guiadas, indícanos o teu nome, apelidos, teléfono de contacto.

3 menús a escoller no momento da inscrición.

Común aos tres menús:

Pan, bebida e sobremesa: Torta xeada (quen teña alerxia debe avisar para que lle ofrezan outra sobremesa). Nota: Todo canto se pida fóra destes menús, será pagado no restaurante por quen o pida.

Menú 1:

  1. Petiscos: Chourizo, queixo, empanada, croquetas e olivas
  2. Churrrasco mixto, acompañado de patacas fritas e ensalada de leituga e tomate

Menú 2:

  1. Petiscos: Chourizo, queixo, empanada, croquetas e olivas
  2. Tenreira asada, acompañada de patacas estufadas e ensalada de leituga e tomate

Menú 3 vexetariano:

  1. Parrillada de verdura (pemento verde, pemento encarnado, espárragos, cenouras, tomates…)
  2. Arroz con cogumelos e ensalada de leituga e tomate

Prezos: 19 euros o xantar e máis as dúas visitas guiadas; o prezo do bus variará en función do número de persoas inscritas (máximo 10 euros)

FORMULARIO DE INSCRICIÓN PARA A VIAXE EN AUTOBÚS. ENVIAR ANTES DO MÉRCORES 3 DE XULLO

FORMULARIO DE INSCRICIÓN PARA O XANTAR

Uso de cookies

Utilizamos cookies propias e de terceiros, como Google Analytics, para optimizar a túa navegación e realizar tarefas de análise. Entendemos que estás conforme se continúas navegando nesta web. Política de cookies

ACEPTAR
Aviso de cookies