O xoves 22 de marzo falaremos de As labregas nos conflitos da primeira metade do século XX con Lucía Veciño Souto, graduada en Historia, na especialidade de Historia de Xénero Contemporánea e autora dun A Fondo de Sermos Galiza sobre este tema.
É hora de que a historiografía galega aborde o rural galego e o Agrarismo desde unha perspectiva moito máis ampla para crear referentes femininos. Hai moito camiño aínda por andar e por iso cremos tan necesaria unha ollada sobre os casos de resistencia e de oposición en que as mulleres foron protagonistas.
Falaremos con Lucía Veciño do Agrarismo cos casos de Nebra (Porto do Son) e Guillarei (Tui) para pór nome e apelidos ás mulleres que neles participaron; dos conflitos contra á Igrexa, cos casos de Sofán e Oseira, nos que a participación das mulleres foi vital; e dos conflitos de subsistencia, como é o caso de Barallobre e O Saviñao.