Fotomontaxe de Daniel Caxigueiro
O xoves 15 de xuño, ás 19.30 h, teremos connosco a Miguel Sande que nos presentará o seu poemario Brinde e desespero, acompañado pola música do cantautor César Morán.
“Brinde e desespero”: chega un momento na vida no que te decatas que tes comezado xa iso que chamamos o camiño de volta. Non é o final de nada, é o principio de algo novo e nese senso, unha descuberta. O poemario está escrito con esa mirada e dende esa perspectiva.
Miguel Sande (Arteixo, 1961) é xornalista e escritor. Cultiva a poesía, a narrativa, o teatro e o ensaio. Recibiu os premios Johán Carballeira, Afundación de Poesía, Rafael Dieste (teatro), Premio Nova Dramaturxia Galega, o Repsol Narrativa, o García Barros de novela e foi finalista do Xerais, entre outros.
Se queres asistir, envíanos os teus datos a través deste formulario: