O mércores 6 de xullo ás 19.30 h, presentamos no noso local o Cancioneiro da Ribeira de Piquín, publicado pola Editorial Canela.
Este libro recolle máis de 200 cantares tradicionais procedentes desa rexión da montaña de Lugo. Algúns xa están documentados no século XVIII e outros son máis recentes, mais todos eles permiten achegármonos a unha manifestación lingüistico-literaria de grande valor cultural, histórico e etnográfico.
Na presentación ademáis dos autores, Xosé Manuel Sánchez Rei e Noemí García Rodríguez, estarán presentes o editor, Pablo Quintana e Xurxo Souto.