O luns, 28 de novembro, ás 19 horas, no Fórum Metropolitano da Coruña proxectaremos o documental Cidade da Selva. Fuxidos e guerrilleiros nos montes de Casaio, do director Miguel Riaño Roa. O acto está organizado por Valdeorras Infinda, a Agrupación Cultural Alexandre Bóveda e a CRMH d’AC.
O documental recolle a historia do conxunto de campamentos que a guerrilla antifranquista rstableceu como refuxio nos montes de Casaio (Carballeda de Valdeorras). Este xacemento arqueolóxico abandonado foi escavado en varias campañas polo equipo de Sputnik Labrego, resultados que son a base do documental.
Tras a proxección, teremos un coloquio co director do filme e con parte do equipo arqueolóxico.
A entrada é libre, por rigorosa orde de chegada.