O xoves 5 de maio, ás 19.30 h, Martin Pawley falaranos do cinema dos países africanos de fala portuguesa.
En 2019 a UNESCO estableceu oficialmente o 5 de maio como Día Mundial da Lingua Portuguesa, sumándose a unha efeméride que xa antes celebraba a Comunidade dos Países de Lingua Portuguesa. A data serve de escusa perfecta para percorrermos a creación cinematográfica dos países co portugués como lingua oficial que menos chegan ás nosas pantallas: os do continente africano. Visitaremos Angola, Moçambique, Cabo Verde, Guiné-Bissau e São Tomé e Príncipe da man dos filmes de cineastas coma Sarah Maldoror, Flora Gomes ou Ruy Guerra.
Martin Pawley é crítico de cinema, programador e produtor.