Retomamos o noso bo costume de #PasearParaAprender. E por iso, o sábado, día 26 de novembro, imos pasear pola Coruña literaria, cidade narrada, cidade poetizada, contada e cantada…Comezaremos ás 12 h no Teatro Rosalía:
- Teatro Rosalía de Castro. Primeiro xogos florais de Galicia (1861) con Pilar García Negro.
- Biblioteca Provincial. Biblia de Kennicott con Susana Guitar.
- Casa natal de Emilia Pardo Bazán (Rego de Auga / rúa da Fama) con Patricia Carballal.
- Libraría rexional (Rego de Auga, nº 16) con Xosé Luís Axeitos.
- Antón Vilar Ponte. Rúa Rego de Auga, nº 4, con Ricardo Axeitos Valiño.
- Escolas de Ensiño Galego (Praza de María Pita, 17).
- Se comezabamos con Rosalía rematamos na Praza da Fariña (onde estaban as antigas casas do Concello) para lembrar a primeira obra en galego da época moderna, O Entremés galego ao feliz e real parto da nosa raíña, de Salvador Francisco Roel, con Anxo Angueira.
Rematamos con música do século XVIII: Sonata II de Elisabeth Jacquet (1665-1729). Frauta: César Concheiro. Violín: Elisa Concheiro. Violoncello: Nicolás Concheiro.
Guiará o roteiro Carmela Galego, historiadora da arte.
PRAZAS ESGOTADAS!