O venres 22 de xullo ás 19 horas, Daniela Ferrández Pérez, investigadora e activista LGTBIQ+, falaranos da importancia da memoria da diversidade no proceso de construción dunha cidadanía democrática e igualitaria.
Efectuaremos un repaso a través de historias de persoas que viviron alén da norma sexual imposta na Galiza dos últimos 150 anos, facendo especial énfase nas ideas chave que poden servir hoxe para o proceso de construción dunha memoria da disidencia sexual. Entre elas, destacamos o coñecemento dos xeitos nos que esta diversidade foi explicada, tratada polos discursos oficiais e, en ocasións, represaliada e perseguidos.
O acto encádrase dentro do III ciclo Mulleres e realidades comúns, coordinado por Cristina Bajo, coa colaboración da Marcha Mundial das Mulleres.