A AC Alexandre Bóveda conmemora como todos os anos o DÍA DA GALIZA MÁRTIR na CORUÑA diante do monumento dedicado a Alexandre Bóveda no Paseo que leva o seu nome (Zona de Catro Camiños). Nesta ocasión será o venres 16 de agosto ás 20:30. Asistirá Xurxo Couto, Deputado Delegado de Cultura da Deputación da Coruña e contaremos coa intervención do gaiteiro Pepe Vaamonde.
No ano 1942 a Irmandade Galega de Arxentina, presidida por Castelao, decidiu instituír, o 17 de agosto, coincidindo co aniversario do fusilamento de Bóveda, como o día da Galiza Mártir.
Neste día, personificando en Alexandre Bóveda, figura clave para o nacionalismo galego, fundador e logo secretario de organización do Partido Galeguista, vítima da barbarie fascista, vilmente asasinado na Caeira (Poio, Pontevedra), desde a Asociación Cultural que leva o seu nome rendemos homenaxe a todas as persoas represaliadas e lembramos, igualmente, todas as vítimas da represión franquista.