Día da Galiza Mártir

O domingo 16 de agosto ás 12.00 h, diante do monumento a Alexandre Bóveda en Catro Camiños.

Tí eres lume vivo, acesa chama,
roita irreversíbel de futuro;
potente trebón que berra e crama,
¡home do pobo, asoballado e puro!
(Manuel María, Lembranza de Alexandre Bóveda)

Como cada ano no mes de agosto realizamos na Coruña o DÍA DA GALIZA MÁRTIR como homenaxe a Bóveda e a todos os que como el deron a súa vida por Galiza. Este ano contaremos con Mercedes Queixas que realizará unha breve semblanza de Elvira Varela Bao, filla de dous irmandiños, Elvira Bao e Bernardino Varela represariados, que vén de deixarnos hai uns días.

Realizaremos esta actividade cumprindo coas normas de hixiene e distanciamento social para garantir a seguridade de todas as persoas que se acheguen a acompañarnos.

Event

Ago

Relacionado

"Eu quero que Galiza entre no concerto dos pobos civilizados; quero que fale a súa lingua , que desenrole a súa cultura, que aporte o seu esforzo á civilización da Humanidade."

"Ser europeo é ser un galego consciente, comprometido cunha cultura que se expresa nunha lingua de seu e que, por tanto, achega ao acervo común algo orixinal e auténtico, non copiado nin imitado."

"Os que se chaman galegos renegando da lingua , non teñen máis dereito a chamarse así que os animais e as plantas que nacen nos nosos eidos. "

"A nosa fala é insubstituíble para expresar os máis tenros afectos e foi a lingua que reis e señores, trobeiros e xograres, nobres e plebeos tiveron que empregar, por non haber outra máis adecuada, cando quixeron cantar ao seu Deus, a súa patria e a súa dona."

"¿Que cousa máis orixinal que a lingua dun pobo, xerada por accións e reaccións seculares entre o home e a Natureza, para facelo diverso no universo?"

Uso de cookies