A Asociación de Escritoras e Escritores de Galiza (AELG) e a Asociación Cultural Alexandre Bóveda (ACAB), teñen o pracer de convidar a todas as persoas que queiran celebrar o 23 de febreiro, Día de Rosalía.
O acto celebrarase diante do Teatro Rosalía de Castro (no caso de que a climatoloxía non o permita buscaremos un lugar alternativo).
Non é preciso inscribirse para asistir, mais si para as persoas que queiran recitar poemas.
Comezara ás 17:00, coa lectura do Manifesto do Día de Rosalía de Castro, por parte de Beatriz Maceda Abeleira, a escritora escollida para a redacción de esta edición. A continuación, teremos o recitado de poemas e unha actuación musical a cargo de Os Peregrinos e Lia Pamina, que farán o seu tributo á poesía de Rosalía de Castro, Saudade con Rosalía de Castro. Coa súa música fan do funambulismo pop a milagre que contextualiza a voz da gran matriarca galega.
Neste acto contamos coa colaboración da área de Normalización Lingüística da Deputación da Coruña.