24

Feb

Día de Rosalía de Castro 2019

18.00 h

Rosalía de CastroO 24 de febreiro de 1837 nace en Santiago de Compostela Rosalía de Castro, figura fundacional na nosa literatura e unha das voces literarias máis relevante das letras europeas do século XIX.

Para festexar esta efeméride a Asociación de Escritoras e Escritores en Lingua Galega (AELG) conmemora un ano máis o Día de Rosalía de Castro este domingo 24 de febreiro.

Na Coruña, a AELG e a AC Alexandre Bóveda realizaremos unha lectura pública da obra de Rosalía ás 18 h diante do teatro que leva o seu nome, na rúa Rego de Auga, o Teatro Rosalía de Castro.

Convidamos a todas as persoas amantes da poesía e da obra de Rosalía que se acheguen para participar lendo a obra da nosa poeta máis universal.

Para saber máis:

Podes ver aquí todos os actos, nos que colabora a AELG, que se realizan ao logo do país.

Fundación Rosalía de Castro

Historia da literatura galega: Rosalía de Castro

A Fundación Rosalía e a Asociación de Gaiteiros Galegos volven organizar para o 24 de febreiro a Alborada para Rosalía de Castro, para o que fan un chamamento a todos os gaiteiros e gaiteiras de Galicia (e non só: tamén a outros músicos: sexades pandereteiras, requinteiras, tamborileiras, etc.) para dar unha alborada de gloria na súa honra…: Chamamento aos gaiteiros e gaiteiras de Galicia.

Animádevos a subir ás vosas redes co cancelo #LibreOMeuPensamento_rdc_19 textos de Rosalía, a promover lecturas nos centros de ensino, nas asociacións culturais, nas prazas… calquera lugar é bo para recitar a Rosalía de Castro.

Se tes escollido o poema que queres ler fáinolo saber neste correo: secretaria.xeral@aelg.org, e xa cho reservamos.

Día de Rosalía de Castro

Eu cantar, cantar, cantei
Eu cantar, cantar, cantei,
a grasia non era moita,
que nunca (delo me pesa)
fun meniña grasiosa.
Cantei como mal sabía
dándolle reviravoltas,
cal fan aqués que non saben
direitamente unha cousa.
Pero dempois paseniño,
i un pouco máis alto agora,
fun botando as miñas cántigas
como quen non quer a cousa.
Eu ben quixera, é verdade,
que máis boniteiras foran.

Uso de cookies

Utilizamos cookies propias e de terceiros, como Google Analytics, para optimizar a túa navegación e realizar tarefas de análise. Entendemos que estás conforme se continúas navegando nesta web. Política de cookies

ACEPTAR
Aviso de cookies