Exposición fotográfica “Airiños, aires. Rosalía” de Xurxo Lobato

O venres 22 de novembro, ás 19 h, inauguramos no noso local a exposición fotográfica Airiños, aires. Rosalía, de Xurxo Lobato.

Durante un mes gozaremos desta escolma de Xurxo Lobato sobre os espazos vitais e a obra da escritora Rosalía de Castro.
Esta exposición, que xa viaxou por moitos lugares de Galiza, reivindica a Rosalía como poeta e escritora, como pioneira na defensa das mulleres e como símbolo de galeguidade. É unha mirada evocadora da vida de Rosalía e da súa obra. Constitúe unha homenaxe do fotógrafo Xurxo Lobato a Rosalía de Castro, escritora de referencia na literatura europea mais tamén pioneira que fuxiu do rol tradicionalmente atribuído á muller e que asumiu un protagonismo singular como escritora nun tempo no que iso era navegar contra vento e marea.

Colabora a Fundación Rosalía de Castro.

Aquí podes ver ou descargar A Rosalía de Xurxo Lobato:

Pantalla completa

Event

Nov

Exposición fotográfica “Airiños, aires. Rosalía” de Xurxo Lobato

Relacionado

"Eu quero que Galiza entre no concerto dos pobos civilizados; quero que fale a súa lingua , que desenrole a súa cultura, que aporte o seu esforzo á civilización da Humanidade."

"Ser europeo é ser un galego consciente, comprometido cunha cultura que se expresa nunha lingua de seu e que, por tanto, achega ao acervo común algo orixinal e auténtico, non copiado nin imitado."

"Os que se chaman galegos renegando da lingua , non teñen máis dereito a chamarse así que os animais e as plantas que nacen nos nosos eidos. "

"A nosa fala é insubstituíble para expresar os máis tenros afectos e foi a lingua que reis e señores, trobeiros e xograres, nobres e plebeos tiveron que empregar, por non haber outra máis adecuada, cando quixeron cantar ao seu Deus, a súa patria e a súa dona."

"¿Que cousa máis orixinal que a lingua dun pobo, xerada por accións e reaccións seculares entre o home e a Natureza, para facelo diverso no universo?"

Uso de cookies