O venres, día 10 de marzo acollemos no noso local da rúa Santo André, 36, 1º, a actividade organizada pola Área de Igualdade da Deputación da Coruña, Feminismos, traballo e vida. Voces para un futuro, con dignidade e dereitos.
O evento vai desenvolverse segundo este programa:
16.00 h: Benvida institucional.
16.30 h: Voces sobre o marco estrutural do mundo do traballo desde unha perspectiva feminista. Modera: Ana Lorenzo. Conversan: Laura Bugalho, especialista en intervención socioeducativa, sindicalista e activista trans feminista, e Antía Pérez Caramés, profesora doutora en socioloxía na UDC.
17.30 h: Conversa para dar voz á situación dos dereitos laborais en sectores feminizados. Modera: Mariola Mourelo. Conversan: María Ferreiro, responsábel, xunto con outras compañeiras, da Secretaría das Mulleres do SLG, Marisol Gómez do SAF de Vilagarcía e Ángeles Mille, secretaria da Asociación de Redeiras Profesionais O Fieital de Malpica representando a ANMUPESCA.
18.30 h: Café diálogo de recollida de demandas.
19.30 h: Aldaolado “O benquererse” con Lucía Aldao e María Lado.
Se queres asistir envianos os teus datos a través deste formulario: