22

Nov

Galego oral e galego escrito na Galiza do Barroco

19.30 h

Ramón Mariño PazO mércores 22 de novembro, ás 19.30 h, visitaranos Ramón Mariño Paz para falarnos do galego oral e o galego escrito na Galiza do Barroco.

A conferencia versará sobre as dinámicas políticas e sociais que determinaron que no tempo do Barroco, e en xeral entre os séculos XVI e XIX, o cultivo escrito do galego fose raro mentres que o seu uso oral estaba xeneralizado. Presentaranse catro textos descubertos ou redescubertos nos últimos anos.

Ramón Mariño Paz é catedrático de Filoloxías Galega e Portuguesa da Universidade de Santiago e autor de obras sobre historia social e gramática histórica da lingua galega, entre outras Historia da lingua galega (1998) e Fonética e fonoloxía históricas da lingua galega (2017).

Esta palestra forma parte do ciclo As artes no Barroco que se completará con outras dúas palestras: Claroscuros do barroco musical en Galiza, o luns 11 de decembro ás 19.30 h, con Andrés Díaz Pazos, e Grandes obras do Barroco galego en Compostela, o mércores 13 de decembro ás 19.30 h, con Ramón Yzquierdo Perrín, e finalizando cun roteiro pola Coruña Barroca o sábado 16 de decembro ás 12 h, guiados por Patricia Angulo e Carmela Galego.

Se queres asistir a esta palestra de Ramón Mariño, envíanos os teus datos a través deste formulario:

Erro: Formulario de contacto non atopado.

Uso de cookies

Utilizamos cookies propias e de terceiros, como Google Analytics, para optimizar a túa navegación e realizar tarefas de análise. Entendemos que estás conforme se continúas navegando nesta web. Política de cookies

ACEPTAR
Aviso de cookies