Grandes ideas da astronomía

Martin Pawley vén falarnos sobre as grandes ideas da astronomía, o xoves 25 de xuño, ás 20 horas.

Que debería saber todo o mundo sobre astronomía? Un equipo formado por membros da Unión Astronómica Internacional traballou durante uns anos para redactar un conxunto amplo de ideas básicas que pretende ser unha ferramenta de alfabetización científica. O documento final, “Big Ideas in Astronomy”, foi presentado en maio de 2019 e a primeira tradución que se fixo no mundo foi ao galego, da man da Agrupación Astronómica Coruñesa Ío. Na charla o tradutor da versión galega, Martin Pawley, comentará os comos e os porqués dun documento de enorme valor educativo.

E se queres podes asistir a este evento en streaming mediante Google Meet, a través deste enlace:

https://meet.google.com/hgj-kaxu-osh

Event

Xuñ

Relacionado

"Eu quero que Galiza entre no concerto dos pobos civilizados; quero que fale a súa lingua , que desenrole a súa cultura, que aporte o seu esforzo á civilización da Humanidade."

"Ser europeo é ser un galego consciente, comprometido cunha cultura que se expresa nunha lingua de seu e que, por tanto, achega ao acervo común algo orixinal e auténtico, non copiado nin imitado."

"Os que se chaman galegos renegando da lingua , non teñen máis dereito a chamarse así que os animais e as plantas que nacen nos nosos eidos. "

"A nosa fala é insubstituíble para expresar os máis tenros afectos e foi a lingua que reis e señores, trobeiros e xograres, nobres e plebeos tiveron que empregar, por non haber outra máis adecuada, cando quixeron cantar ao seu Deus, a súa patria e a súa dona."

"¿Que cousa máis orixinal que a lingua dun pobo, xerada por accións e reaccións seculares entre o home e a Natureza, para facelo diverso no universo?"

Uso de cookies