O mércores do 12 de febreiro, ás 20 h, coa Federación de Asociacións culturais Galiza Cultura, organizamos unha palestra a cargo de Victorino Pérez Prieto: Importancia e actualidade do grupo “Nós” na cultura galega: Otero Pedrayo, Risco e Castelao. Falaranos de:
1. A xeración “Nós” é a máis senlleira das xeracións galegas.
“Por eles tamén nós somos nós”.
As Irmandades da Fala, o Seminario de Estudos Galegos e a revista Nós.
2. Os grandes persoeiros da xeración “Nós”:
Ramón Cabanillas, Antón Losada Diéguez, Antón Vilar Ponte,
Cuevillas, Risco, Otero Pedrayo e Castelao.
Actualidade de Castelao e a xeración Nós.
Victorino Pérez Prieto é escritor, pensador e profesor. Doutor en Filosofía pola Universidade de Santiago e Doutor en Teoloxía pola Universidade Pontificia de Salamanca.
Foi docente nas Universidades de A Coruña, de Santiago, da San Buenaventura-Bogotá e da Universidad de la Salle-Madrid.
Traballou sobre todo temas de diálogo intercultural e interreligioso, ecoteología e
Liberación. É especialista en Raimon Panikkar, na Xeración “Nós” e en Prisciliano.
Publicou máis de vinte libros. En galego salientan A xeración “Nós”. Galeguismo e relixión (1988) e Prisciliano na cultura galega (2010).