O venres 10 de setembro, ás 19 horas, inauguramos no noso local da rúa Olmos 16 a exposición Nós, de Chelo Facal.
A artista multidisciplinar Chelo Facal, comeza a amosar as súas obras a finais dos 80. Na pintura, fundamentalmente figurativa, a figura adoita ser só unha desculpa para unha posterior distribución da cor con intención de provocar emocións e sensacións de alegría, lixeireza, beleza…a beleza que sempre nos acompaña. Utilizando para conseguilo, óleo, acrílico, tempera, acuarela, transferencias, materiais cos que conseguir texturas.