O xoves 29 de xullo, ás 19.30 h proxectaremos o filme La battaglia di Algeri [1965], dirixido por Gillo Pontecorvo. A proxección enmárcase dentro do mini-ciclo de cinema sobre resistencias coloniais, organizado polo Colectivo Pedro Galán.
Ali La Pointe (Brahim Hadjadj) é un ladrón analfabeto cun longo historial delituoso, que malvive nas rúas de Alxer. Tras ser detido, nun dos seus ingresos a prisión contempla dende a ventá da súa cela a execución dun preso vinculado ao nacionalismo alxeriano. Este feito faille tomar conciencia da opresión colonial francesa sobre Alxeria, e decide enrolarse despois de fuxir, na Fronte de Liberación Nacional, para rematar sendo, na fin da película, un dos seus máximos responsables.
A trama comeza polo final, situando a acción no 7 de outubro de 1957, dende onde se inicia un flashback que mostra a toma de conciencia e implicación no movemento nacionalista alxeriano do personaxe principal.
Presenta e modera: Ignacio Siota Mouzo.