A Agrupación Cultural Alexandre Bóveda considerou que nun ano tan marcado pola pandemia que nos azouta, era necesario ter un xesto con aquelas e aqueles escritores que se presentaron ao premio. E por iso é que se decidiu publicar as cinco obras que se enviaron ao concurso. O Covid-19 afectounos a todos, a esta Agrupación Cultural, ao seu grupo de Teatro ACAB, ao número de participantes no II Premio Jenaro Marinhas del Valle e á cultura en xeral, así como á nosa vida privada e laboral. Por iso, é un orgullo dar á luz estas obras e dicirlles aos lectores e lectoras que este é o momento do gozo, saboreen as palabras das pezas teatrais que contén este caderno-libro, e que son da autoría de Manuel Jorge Maside, Alberto G. Aneiros, Federico Rioboo, Ana María Prado Riveiro e Julio Fernández Peláez, aos que agradecemos o esforzo da súa escrita nun ano tan complicado
O martes 25 de maio, ás 19:30 horas, no noso local na rúa Olmos 16, o grupo de teatro de ACAB realizará unha lectura dramatizada das obras Des-enlace nupcial e Sons de aldea.
As persoas que asistan ao acto recibirán de agasallo un libro coas obras publicadas do II Premio Jenaro Marinhas del Valle.