O venres 19 de xullo, ás 19.30 horas, no noso local teremos un debate sobre “Liberdade de expresión, tamén para o fascismo?”. Intervirán Jorge Crego Blanco (doutor en Filosofía do Dereito e investigador na UNIR) e Ana Miranda Paz (portavoz do BNG en Europa).Nos últimos anos estamos a presenciar unha redefinición dos límites da liberdade de expresión. Xa son numerosas as sentenzas xudiciais que condenan por delitos como inxurias á Coroa, inxurias aos Corpos e Forzas de Seguridade, apoloxía do terrorismo ou delitos contra os sentimentos relixiosos. Dentro desa tendencia agroman unha nova categoría: os delitos de odio, pensados nun primeiro momento para protexer ás minorías políticas. Pero a implantación destes delitos de odio plantea a seguinte interrogante: pode que un instrumento pensado para protexer as liberdades civís resulte nocivo para as mesmas?