O xoves 13 de abril, ás 19.30 h, e dentro do ciclo Outras historias de cinema, Martín Pawley falaranos do cinema do 25 de abril.
O 25 de abril de 1974 empezou un tempo ilusionante para Portugal que puña fin aos 48 anos de ditadura e as cruentas guerras coloniais contra os movementos independentistas dos territorios africanos. O cinema, por suposto, non ficou alleo aos esperanzadores aires de liberdade para dar conta a través de documentais -a miúdo con espírito militante- do proceso cara á democracia. Mais non foron só os documentais: tamén as ficcións á volta do 25 de abril souberon retratar a agonía do “Estado Novo” e a emerxencia dunha sociedade diferente. Nesta sesión repasaremos algúns dos filmes máis estimulantes duns anos de efervescencia creativa e política.
Martin Pawley é crítico de cinema, programador e produtor.
Se desexas asistir, envianos os teus datos a través deste formulario: