Unha aproximación á obra literaria de Florencio Delgado Gurriarán

O venres 28 de xaneiro, ás 19.30 h, Miro Villar falaranos da obra literaria de Florencio Delgado Gurriarán.

Miro Villar analizará a obra poética de Florencio Delgado Gurriarán. Partindo do seu artigo de 2006 –na revista Raigame–, “O macrotexto poético en galego de Florencio Delgado Gurriarán”, fará unha (re) lectura da obra deste poeta galego no exilio mexicano. Estudo –da súa autoría– que en forma de libro vai publicar en Edicións Xerais.

Miro Villar é doutor en Teoría da Literatura e Literatura Comparada, profesor de Lingua e literatura galegas, poeta, narrador, tradutor e crítico literario. Un dos primeiros estudosos da poesía de Florencio Delgado Gurriarán e un referente para coñecer e entender a obra do escritor valdeorrés (Letras Galegas 2022).

Event

Xan

Unha aproximación á obra literaria de Florencio Delgado Gurriarán

Relacionado

"Eu quero que Galiza entre no concerto dos pobos civilizados; quero que fale a súa lingua , que desenrole a súa cultura, que aporte o seu esforzo á civilización da Humanidade."

"Ser europeo é ser un galego consciente, comprometido cunha cultura que se expresa nunha lingua de seu e que, por tanto, achega ao acervo común algo orixinal e auténtico, non copiado nin imitado."

"Os que se chaman galegos renegando da lingua , non teñen máis dereito a chamarse así que os animais e as plantas que nacen nos nosos eidos. "

"A nosa fala é insubstituíble para expresar os máis tenros afectos e foi a lingua que reis e señores, trobeiros e xograres, nobres e plebeos tiveron que empregar, por non haber outra máis adecuada, cando quixeron cantar ao seu Deus, a súa patria e a súa dona."

"¿Que cousa máis orixinal que a lingua dun pobo, xerada por accións e reaccións seculares entre o home e a Natureza, para facelo diverso no universo?"

Uso de cookies