A obra teatral de Manuel María, que vén de saír do prelo da man da Casa-Museo do escritor, será presentada o luns día 29 na Agrupación Cultural Alexandre Bóveda. A publicación, baixo a edición da profesora da UdC María Pilar García Negro, recolle nun único volume de setecentas corenta páxinas, a produción teatral de Manuel María. Trinta e tres pezas, moitas delas inéditas e inaccesíbeis, que dan mostra da súa salientábel e importante achega ao teatro galego e o lugar sobranceiro que a dramaturxia ten na súa obra literaria.
Alberte Ansede, secretario da Fundación Manuel María, e María Pilar García Negro, responsábel da edición, serán as persoas encargadas de presentar o volume ás 20 horas.