Fotograma do filme “Within our gates” (Oscar Micheaux, 1920)
O xoves 17 de febreiro, ás 19.30 h, Martín Pawley ofrece no noso local a palestra Outras historias do cinema. As orixes do cinema afroamericano.
Nunca hai unha historia única, tampouco no cinema. Hai infinidade de historias que merecen ser coñecidas e axudan a entender que a creación fílmica foi sempre moito máis diversa do que tradicionalmente se contou. Empezamos a relatar outras historias do cinema dando conta das orixes do cinema afroamericano: películas feitas por cineastas negros nun tempo en que nos Estados Unidos a discriminación racial era aínda a norma.
Martin Pawley é crítico de cinema, programador e produtor.
Con esta palestra comezamos un ciclo, OUTRAS HISTORIAS DO CINEMA, que nos levará até xullo cun encontro mensual, os primeiro xoves de mes (3 de marzo, 7 de abril, 5 de maio, 9 de xuño e 7 de xullo) repasaremos, con Martin Pawley, esas historias do cinemas que ben merecían ser máis coñecidas.