Soledad Felloza, integrante do proxecto A Enciclopedia do Patrimonio de Galicia falará sobre patrimoniogalego.net, un Sistema de Información Xeográfica (SIX). O obxectivo é elaborar un Catálogo Social do Patrimonio Cultural galego, estruturado por comarcas, concellos, pero no que tamén podes recuperar a información por tipo de ben cultural, por cronoloxía… É como unha Wikipedia do Patrimonio. Un dos grandes problemas do Patrimonio Cultural en Galicia é que non sabemos o que temos. A información conséguese mediante trámites burocráticos e moitas veces está incompleta ou é errada.
patrimoniogalego.net permítenos saber que Bens Culturais existen en Galicia e en que estado se atopan. Calquera pode dar información sobre o estado dun ben concreto.
Xornadas Patrimonio e Memoria
7, 14, 21 e 28 de febreiro de 2019
A actividade é de entrada libre para todo o público. Solicitada a homologación á Consellaría de Educación por 8 horas lectivas polo que os/as ensinantes asistentes, terán dereito a certificado homologado. Para iso deben inscribirse na web da Asociación Socio-Pedagóxica Galega, apartado de formación. Hai unha reserva máxima dun 30% para docentes en paro.
Organizan:
- AS-PG
- A.C. Alexandre Bóveda