PRAZAS ESGOTADAS!
O luns 23 de novembro, ás 19.30 horas, no noso local, teremos unha charla-concerto: Reflexións sobre a pegada da violencia contra as mulleres nas cantigas tradicionais, con Branca Villares e Pablo Pintor. Trátase dunha actividade feita en colaboración coa Asociación Veciñal Agra do Orzán.
Branca Villares reflexiona sobre o crucial papel que as mulleres xogaron na transmisión oral de cantigas, contos, saberes e coidados e outros elementos clave que conforman a nosa identidade cultural.
Participou cun grupo de mulleres nun traballo de revisión e detección de elementos presentes na tradición musical que representan a violencia contra as mulleres, e o xeito de tratalos. Nese proceso de reflexión e análise, preocupáronlles especialmente dous aspectos:
- A incomodidade da idea de perpetuar co noso facer a impunidade da violencia contra as mulleres. Intuíron que reproducir textual e descontextualizadamente parte deste legado herdado, dalgún xeito normalice esta denigración e o maltrato.
- A pouca visibilización e importancia que se lle outorga ás mulleres que realizaron (e realizan á transmisión oral de coñecementos). Cando se pon en valor este patrimonio, adoitan ser homes quen o capitalizan, divulgan e gozan de recoñecemento.
Este traballo non consistiu nin en xulgar nin en censurar o patrimonio herdado, senón que foi unha reflexión conxunta e continuada sobre os contextos nos que estas cantigas xurdiron.
Branca Villares estará acompañada por Pablo Pintor, á zanfona e clarinete.