Presentado por Encarna Lago González, xerente da Rede Museística Provincial de Lugo.
O museo “foi” a institución privilexiada dunha clase determinada, o espazo onde se conservou o coñecemento e a historia “oficial”, e, aínda que isto mudou debe mudar aínda máis. Temos por diante o reto de reformular a institución en clave de diversidade e igualdade. Debemos profundar na idea dun patrimonio, dun museo expandido, aberto, flexíbel, dinámico e accesíbel á expresión humana: aspiramos a traballar en rede en contornas compartidas. Un novo museo chegou para quedar, un museo traballando e pensando no común, no que as obras, os coñecementos, os obxectos son de todos e todas, para xerar un espazo no que ninguén sexa excluído.
Xornadas Patrimonio e Memoria
7, 14, 21 e 28 de febreiro de 2019
A actividade é de entrada libre para todo o público. Solicitada a homologación á Consellaría de Educación por 8 horas lectivas polo que os/as ensinantes asistentes, terán dereito a certificado homologado. Para iso deben inscribirse na web da Asociación Socio-Pedagóxica Galega, apartado de formación. Hai unha reserva máxima dun 30% para docentes en paro.
Organizan:
- AS-PG
- A.C. Alexandre Bóveda