O venres 21 de xuño, ás 20 horas, no noso local presentaranse os libros Fronteira Paraíso, de Silva Penas Estévez, con fotografías de Jesús Andrés Tejada e Tren, de Moncho Iglesias Míguez, de Editora Uratau.
Silvia Penas Estévez, con fotografias do Jesús Andrés Tejada.
A casa tiña un xardín de medio lado
e había flores,pero comíalas,
quedaban os talos, as espiñas.
Había tamén un can que aproveitaba as espiñas
e recibía golpes se roubaba algo da mesa;
as demais persoas á mesa comían de min.
Durante o día era engulida sen ser vista,
por iso, mesmo que quixeses,
non podías pronunciarme.
É un proxecto literario-musical de Cintaadhesiva: Disciplinas como poesía, música, videoarte e posta en escena reméndanse unhas ás outras nun espectáculo pensado para o directo, para acción, pois xorde da intención de apelar á escoita e á visión pero tamén a outras partes sensibles e sensoriais do corpo de maneira que o que se produza sexa unha «vivencia».
Podedes ver a súa canle en Youtube
Tren
Moncho Iglesias Míguez
O desxeo dunha nube cando hai marea
A menstruación dunha montaña a desembocar en barco
O faro fundido dun altar de auga doce
A procesión dos vimbios dunha canastra
radiografía de gretas debuxada con pluma de gaivota afónica