O mércores 12 de maio, ás 19.30, presentamos Mociñas, de Louise May Alcott, traducida por Rocío Viéitez Ferro. Participarán, ademais da tradutora, Prudencio Viveiro Mogo, por Edicións Laiovento.
Louise M. Alcott escribiu Mociñas, un clásico da literatura universal, no s. XIX, cun espírito revolucionario, activista e formativo, que trata das dificultades que tiñan, e teñen, as mulleres por medrar nunha cultura que premiaba o seu aspecto por enirba da súa esencia. A autora defendeu os dereitos da muller, a abolición da escravitude e reformas no sistema educativo para escolarización das nenas.