O xoves 4 de xullo, ás 20 horas, no noso local, Xosé de Cea presenta o seu libro Revolución Detrito, editado por Xerais, e que foi finalista do XII Premio Raíña Lupa de Literatura Infantil e Xuvenil.
Ticho é un neno de once anos que malvive nunha chabola xunto co seu pai eivado e a súa irmá Area. El traballa de sol a sol nunha mina de carbón e a irmá fai outro tanto nun vertedoiro de lixo. É a única saída que teñen para sobrevivir na República de Ocidia, un país gobernado con man de ferro por un ditador tan extravagante como sanguinario.A vida de Ticho estará marcada por ese traballo inhumano para un rapaz, pola ausencia da nai e por buscar na fantasía a válvula de escape a unha realidade tan atroz.Podería ter sido a biografía cotiá de millóns de nenos e nenas en todo o mundo, pero Ticho cruzarase cun trasno na mina onde traballa e ese feito revolucionará a súa existencia e a da súa xente.E non, isto non é un conto marabilloso.
Xosé García Rodríguez, coñecido como Xosé de Cea ou Cibrán Ulloa, e escritor e xornalista. Vive actualmente en Melide. Desde finais do 2002 traballa no gabinete de prensa do Sindicato Labrego-Comisións Labregas e coordina o seu voceiro Fouce. Entre as súas obras destacan Presencia da fenda e Vilareda (poesía), O lume dos soños (literatura infanto-xuvenil) ou Baixo a lona preta (ensaio).