Lois Alcayde Dans, Paula Durán e Paula Quiroga, estudantes de Xornalismo na USC son os artífices do documental Outra Coruña Posible: Domingos Merino.
Merino chega á alcaldía da Coruña nun momento de cambio absoluto, co remate da ditadura. E a súa chegada supón unha revolución, comezando pola forma en que a cidadanía se relaciona co Concello.
A peza vai máis alá do relato sobre a xestión do primeiro alcalde da Coruña trala restauración da democracia e busca interrogarse sobre a Coruña que Merino defendeu e impulsou e a Coruña que puido ser, que permaneceu soterrada e de cando en cando emerxe.