Preséntase o número 2 da revista de estudos rosalianos Follas Novas co presidente da Fundación Rosalía de Castro Anxo Angueira; o académico e director da revista Xosé Luís Axeitos; a profesora e escritora Pilar García Negro, membro do consello de redacción e Diego Rodríguez González, Bibliotecario da Fundación Barrié.
Neste segundo número de Follas Novas figuran traballos de Manuel Ferreiro –Amizade, conexión epistolar e redes societarias: Rosalía, Pondal (e Murguía)–, de Francisco Rodríguez –Avances nos estudos rosalianos: silencios e reticencias– do poeta Manuel Forcadela –O diálogo de María Xosé Queizán e Rosalía–, de Xoán Costa –Rosalía de Castro, estranxeira na súa patria (a persoa e a obra de onte a hoxe)– ou do director da publicación sobre o cronista de Padrón, Manuel Barros.