O luns 16 de decembro ás 20 h, María Pilar García Negro presenta a súa última obra Ricardo Carvalho Calero: a ciencia ao servizo da nación. A autora estará acompañada por Xosé Luís Axeitos e Manuel Castelao Mexuto.
Agrándase, co paso do tempo, a personalidade e a obra de toda unha vida de Ricardo Carvalho Calero (1910-1990). Foi a súa unha actividade incesante na investigación literaria, nos estudos gramaticais e lingüísticos, na crítica, no traballo de campo e na análise literaria e historiográfica, para alén de non abandonar nunca o cultivo da convencionalmente chamada literatura de creación, que serviu igualmente en todos os xéneros: poesía, narrativa, teatro.