Para festexar os 150 anos de Rosalía na Coruña imos realizar catro roteiros. O primeiro deles será o sábado, día 6 de novembro, ás 12 h: Rosalía de Castro na Coruña nun tempo decisivo, con Pilar García Negro.
A estadía de Rosalía de Castro na Coruña (1871-1874) coincide cun tempo histórico decisivo e ten a ver coa creación da súa magna obra, Follas novas, anunciada xa en 1872 mais que demora oito anos en ver a luz. Subliñaremos aspectos fundamentais desta obra que teñen a ver coa nosa cidade e coa situación xeral da Galiza.
Duración do roteiro: 1 hora e 15 minutos.
Punto de encontro: Xardín de San Carlos ás 12 h.