08

Feb

Presentación do documental “Santoalla”

19.30 h

SantoallaO mércores 8 de febreiro, ás 19.30 horas, na Agrupación Cultural Alexandre Bóveda (rúa Santo André, n°36, 1°) proxectaremos –en colaboración con Valdeorras Infinda– o documental Santoalla.

Dirixido polos estadounidenses Andrew Becker e Daniel Mehrer –e producido pola valdeorresa Cristina de la Torre–, o filme xira arredor da desaparición e asasinato do neerlandés Martin Verfondern na aldea de Santoalla (Petín) en xaneiro de 2010. No documental aparece a vida de Martin e a súa muller Margo Pool durante as décadas de 1990, 2000 e 2010.

O filme vai entrelazando montaxes de vídeo de arquivo, entrevistas á propia Margo Pool, metraxe de telexornais e outros informativos. Unha mestura de pasado e presente que amosa o progresivo deterioro da relación entre os veciños que culmina nun tráxico final.

O documental –que recibiu numerosos premios– estreouse internacionalmente no Festival Internacional de Cinema de Edimburgo o 17 de xuño de 2016.

Á proxección seguirá un coloquio coa súa produtora, Cristina de la Torre.

PRAZAS ESGOTADAS!

Uso de cookies

Utilizamos cookies propias e de terceiros, como Google Analytics, para optimizar a túa navegación e realizar tarefas de análise. Entendemos que estás conforme se continúas navegando nesta web. Política de cookies

ACEPTAR
Aviso de cookies