O luns 26 de setembro, ás 19 horas, faremos unha visita ao Pazo Municipal, con Patricia Angulo, docente especializada en historia local.
O edificio que representa a democracia coruñesa foi un longo proxecto tanto a nivel urbanístico como arquitectónico. Chamado a erguerse nun lugar de encontro da cidadanía, hoxe en día segue a ser punto de reunión. Nesta visita pasearemos os seus salóns e corredores descubrindo historias e segredos para compartir en común.
Este roteiro forma parte do ciclo Pasear para aprender que facemos todos os luns de setembro.
O lugar de encontro para iniciar a visita serán os soportais de entrada ao Concello.