A colección de cadernos Ideas Impresas editada pola Fundación Galiza Sempre achega un novo número que leva por título Vivas e Libres. Lexislación e violencia machista: Contribucións do nacionalismo galego.
A través deste novo caderno de formación e análise, a autora, a catedrática en filosofía e pensadora feminista, Carme Adán fai un pequeno percorrido polas contribucións do nacionalismo galego ás políticas públicas feministas de Galiza. Ao longo da obra pon o foco en todo aquilo que atinxe á violencia machista dende unha dimensión lexislativa.
O vindeiro xoves 27 de xaneiro ás 19:30 terá lugar a presentación na A.C Alexandre Bóveda. A autora estará acompañada pola profesora e investigadora, Pilar García Negro e Mercedes Queixas, deputada do BNG no Parlamento Galego.
*As asistentes poderán levar de agasallo un exemplar do caderno.