“Teño esperanza de que Pite fique na historia como un asasinado e non como un asasino” (Flor Baena, irmá de Xosé)
O 27 de setembro de 1975 leváronse a cabo os últimos fusilamentos da ditadura. Tres militantes do FRAP, Xosé Humberto Baena, José Luis Sánchez Bravo e Ramón García Sanz, e dous da ETA, Ángel Otaegui e Juan Paredes Manot, “Txiki”, foron executados após un proceso xudicial ateigado de irregularidades.
Xosé Humberto Baena, militante antifascista, tiña tan só 24 anos cando o franquismo xa nos seus estertores o condenou a morte acusado de matar a un policía mais o xuízo foi unha farsa onde non se tiveron en contas as testemuñas presenciais que podían declarar que Xosé non era a persoa que matara ao policía. Case 45 anos despois a súa familia segue reclamando Verdade, xustiza e reparación.
O xoves 12 de marzo, ás 20 horas, estará con nós o historiador Eliseo Fernández e teremos tamén unha gravación realizada pola irmá de Xosé, Flor. Contaremos na parte musical con Bea a da Estrella.