Este ano, o XXII Memorial Ibán Toxeiro dedícase ás mulleres que constrúen o Teatro Nacional día a día, unha homenaxe ás directoras e dramaturgas galegas do noso tempo. E por iso, este ano o premio Ibán Toxeiro será entregado a Begoña Llamosas, programadora teatral.
Este Ibán Toxeiro é o agarimo da Agrupación Cultural Alexandre Bóveda ao servizo da escena do noso país. Gozade desta aposta. Vinde a un espectáculo contemporáneo e eterno. Catro propostas novas e anovadoras para amosar o teatro de hoxe en día:
- Nas Nubes, escrita e dirixida por Bego Lomba.
- Músculo de Sal, escrita por Imma Antonio e dirixida por Manuela Varela.
- Conversas, escrita por Rebeca Montero e dirixida por Amalia Gómez.
- Calíope, escrita por Lucía Iglesias e dirixida por Lino Braxe.
Presentan Sabela Hermida e dirixe Lino Braxe. Coa colaboración especial de Bucanero Teatro.
Entrada de balde.