24 Abril, 2020

Bases do II Premio de Teatro Breve Jenaro Marinhas del Valle

1. A Asociación Cultural Alexandre Bóveda convoca o II Premio de Teatro Breve Jenaro Marinhas del Valle.
2. Os orixinais estarán escritos en galego e a temática será libre.
3. As obras presentadas terán un máximo de 10 folios, en tipo de letra Times New Roman, e cun tamaño de letra de 12; ou ben mecanografados a dobre espazo.
4. Establécense un 1º Premio e dous 2º premios, os cales serán publicados nos Cadernos de Teatro Alexandre Bóveda. Asemade o 1º Premio será estreado, en formato de lectura dramatizada, por ACAB Teatro, o grupo teatral da Agrupación Cultural Alexandre Bóveda.
5. O prazo de admisión de orixinais rematará o 10 de xullo do 2020.
6. Os participantes e as participantes no II Premio de Teatro Breve Jenaro Marinhas del Valle comprométense a aceptar o regulamento das presentes bases.
7. Os orixinais non serán devoltos aos autores e autoras.
8. Os orixinais serán enviados ao seguinte enderezo: Asociación Cultural Alexandre Bóveda. Rúa dos Olmos,16-18, 1º – 15003 – A Coruña. Figurando dentro do sobre dúas copias, outro sobre no que constará no seu exterior o lema co que se presenta o traballo, e no seu interior, os datos do participante: Nome, enderezo, título da obra e teléfono de contacto.
9. O xurado estará formado por profesionais do sector de recoñecido prestixio.

Relacionado

Tags:jenaro marinhas teatro

About An Author

alexandre

2 Comments

Enrique 10 Abril, 2018 Responder

Boas,

sabedes cando se anunciarán os premiados?

AC Alexandre Bóveda 16 Abril, 2018 Responder

Aproximadamente cara finais de maio.

Deixa un comentario

"Eu quero que Galiza entre no concerto dos pobos civilizados; quero que fale a súa lingua , que desenrole a súa cultura, que aporte o seu esforzo á civilización da Humanidade."

Lois Peña Novo. A Nosa Terra, 1922

"Ser europeo é ser un galego consciente, comprometido cunha cultura que se expresa nunha lingua de seu e que, por tanto, achega ao acervo común algo orixinal e auténtico, non copiado nin imitado."

Otero Pedrayo, 1931
"Os que se chaman galegos renegando da lingua , non teñen máis dereito a chamarse así que os animais e as plantas que nacen nos nosos eidos. "

Antón Vilar Ponte, 1916

"A nosa fala é insubstituíble para expresar os máis tenros afectos e foi a lingua que reis e señores, trobeiros e xograres, nobres e plebeos tiveron que empregar, por non haber outra máis adecuada, cando quixeron cantar ao seu Deus, a súa patria e a súa dona."

Uxío Carré Aldao, 1923
"… os arredistas galegos, que sabemos que Galiza é unha nacionalidade perfectamente definida, con lingua e costumes propias, con características puramente raciais, con sentimentos e gustos non soamente diferentes do resto dos pobos españois senón materialmente opostos case sempre, non podemos estar conforme con un estado que nos rouba o que é noso."

Víctor Casas. A Nosa Terra, 1923

"¿Que cousa máis orixinal que a lingua dun pobo, xerada por accións e reaccións seculares entre o home e a Natureza, para facelo diverso no universo?"

Antón Villar Ponte, 1916

Uso de cookies

Utilizamos cookies propias e de terceiros, como Google Analytics, para optimizar a túa navegación e realizar tarefas de análise. Entendemos que estás conforme se continúas navegando nesta web. Política de cookies

Aviso de cookies