O luns, día 11 de setembro, ás 19.30 h, lembraremos ese outro 11 de setembro de 1973 cando o exercito chileno se levanta en armas contra o goberno de Unidade Popular liderado por Salvador Allende.
Hai agora 50 anos que o xeneral Augusto Pinochet, co apoio do presidente dos Estados Unidos, Richard Nixon, e a CIA, comeza a exterminar aos opositores políticos: prisión, tortura, execucións, desaparición forzada, exilio, despedimentos laborais masivos… 40.000 vítimas das cales máis de mil permanecen aínda en calidade de detidas desaparecidas.
Para lembrar esta data, para facer memoria e homenaxe faremos este encontro-palestra con Antonio Brea Ramos, licenciado en Historia e diplomado en Dirección Cinematográfica.
Contaremos tamén coa axuda de César Morán para interpretar un tema de Víctor Jara, asasinado polos golpistas, “Te recuerdo Amanda”.