A coordinadora de Avante LGTB Convida ás compañeiras LGTB da Coruña e proximidades a participar na Asemblea Constituínte de Avante LGTB Coruña, este sábado ás 20.00 h no local da nosa asociación, na rúa Olmos 16 1º, A Coruña.
Avante LGTB é unha asociación de carácter asambleario, horizontal e apartidista de loita en pro do colectivo LGTB constituída en Santiago orixinariamente e en proceso de expansión ó longo de Galicia.
Os piares fundamentais atópanse na libertade sexual, o feminismo, o anticapitalismo e a acción a nivel galego. Por ende esta asemblea aberta convocada pretende principalmente constituír un grupo local en Coruña.
Deste xeito, dende un grupo provisional previamente construído no cargo de coordinar o evento así coma dos asistentes determinaranse as regras que rexerán o funcionamento do mesmo, os seus obxectivos e asignarase un comité coordinador; ademais falarase de futuras accións e campañas abertas a suxestións.