Iniciativa Galega pola Memoria, da que forma parte ACAB, lanzou a campaña DEFENDE MEIRÁS, cunha recollida de apoios a un manifesto e envío masivo de correos á Xunta para que amplíe a declaración de BIC do pazo de Meirás, para impedir que os Franco poidan retirar enseres valiosos do Pazo.
Por outra parte, convocou un acto en Meirás para sábado, 19 de xuño. Para preparar ese acto do día 19, convócase unha asemblea aberta de organizacións políticas e sindicais, entidades memorialistas, culturais e asociacións de todo tipo da área metropolitana da Coruña. Esta asemblea terá lugar o martes, 8 de xuño ás 18.30 horas no noso local (Olmos, 16-1º).