Presentación de "La flor, A mi madre, a poesía dispersa e as traducións"

O luns, día 18 de setembro, ás 19.30 h, Anxo Angueira presentaranos o seu último libro.

Despois de Cantares gallegos, Follas novas e En las orillas del Sar, a nova entrega de Anxo Angueira contén a edición crítica do resto da poesía de Rosalía de Castro, no que figuran La flor, A mi madre, a poesía dispersa e as traducións. Este conxunto, entre o que hai verdadeiros tesouros poéticos, acaba por perfilar unha figura extraordinaria das nosas letras e completa o seu extenso e sólido proxecto.

Anxo Angueira, profesor da Universidade de Vigo, é escritor e ensaísta, ademais dos seus estudos sobre Méndez Ferrín («A espiral no espello. Bretaña, Esmeraldina e o sistema literario galego»), vén centrando as súas investigacións no Rexurdimento (Rosalía de Castro, Curros Enríquez e Fernández Morales) e nas súas orixes (o Padre Sarmiento).

Acompañará na presentación a Anxo Angueira Carme Fernández Pérez-Sanjulián, profesora da UDC.

Se desexas asistir a esta presentación, envíanos os teus datos a través deste formulario:

Event

Set

Presentación de “La flor, A mi madre, a poesía dispersa e as traducións”

Relacionado

"Eu quero que Galiza entre no concerto dos pobos civilizados; quero que fale a súa lingua , que desenrole a súa cultura, que aporte o seu esforzo á civilización da Humanidade."

"Ser europeo é ser un galego consciente, comprometido cunha cultura que se expresa nunha lingua de seu e que, por tanto, achega ao acervo común algo orixinal e auténtico, non copiado nin imitado."

"Os que se chaman galegos renegando da lingua , non teñen máis dereito a chamarse así que os animais e as plantas que nacen nos nosos eidos. "

"A nosa fala é insubstituíble para expresar os máis tenros afectos e foi a lingua que reis e señores, trobeiros e xograres, nobres e plebeos tiveron que empregar, por non haber outra máis adecuada, cando quixeron cantar ao seu Deus, a súa patria e a súa dona."

"¿Que cousa máis orixinal que a lingua dun pobo, xerada por accións e reaccións seculares entre o home e a Natureza, para facelo diverso no universo?"

Uso de cookies